التعليم فى مصر

ا بسم الله الرحمن الرحيم

احنا كنا متفقين ان فى موضوع هنتكلم فيه كل اسبوع وقولت الموضوع ده هيكون بناء على اختياركم انتم وبما انكم طبعا ماقولتوش حاجة فأنا هقول موضوع النهاردة بس ياريت الاقى ردود عليه . (التعليم فى مصر) عايزين نعرف رأيكم فى موضوع التعليم فى مصر هل هو صح هل هو غلط ولو كان هو غلط ايه الغلط فيه وازاى نقدر نصلح ده وعايزين كمان نعرف منكم ايه اهمية التعليم ؟وياريت كل واحد فى اخر موضوعه يقول لو كان مكان السيد / يسرى الجمل وزير التربية والتعليم هتعمل ايه؟ ولو مكان السيد/هانى هلال وزير التعليم العالى برده قوللى هتعمل ايه وازاى هتقدر تغير من الوضع الحالى؟؟؟ . انا عايز اقوللكم ان سبب اختيارى للموضوع ده ان التعليم ده هو اساس كل شىء ولو اتصلح بجد هنرتقى بمجتمعنا . يارب يكون الموضوع عجبكوا ويارب الاقى ردود المرة دى

الموضوع بجد رائع يا بدر وعايزة اقولك عندك حق التعليم اهم حاجة لان كل حاجة في حياتك بعد كده مترتبة عليه ولكن للاسف موضوع التعليم عندنا في مصر زي كل حاجة تانية دايما ماشي بالعكس يعني دايما ماشي في الاتجاه الغلط وبيتهيئلي ده ليه اسباب كتير ولو انا مكان السيد الوزير يسري الجمل هحاول اخلي ناس بيفهمو هما اللي يحطو المناهج وهراقب العملية التعليمية اكتر من كده وهحسن المناهج واطور طرق دراستها
وميرسي ليك تاني يا بدر علي الموضوع الرائع